[restrict paid="true"]
<p style="text-align: justify;">اټلانټا (پژواک، ۱۷ تله ۱۴۰۲): د اسیا فوټسال غوراوي سیالیو کې افغانستان د فوټسال ملي لوبډلې سعودي ته ماتې ورکړه او له اندونیزیا سره یې لوبه مساوي کړه.</p>
<p style="text-align: justify;">د اسيا د فوټبال کنفدراسيون معلوماتو له مخې، د افغانستان فوټسال ملي لوبډلې د ٢٠۲٤ کال د اسيا فوټسال غوراوي پړاو کې عربستان ته درې پر دوه ماتې ورکړه.</p>
<p style="text-align: justify;">دا لوبه د یکشنبې په شپه د سعودي عربستان په دمام ښار کې وشوه او افغان لوبډلې په داسې حال کې کوربه هېواد ته ماتې ورکړه چې د سعودي عربستان حکومت افغان لوبغاړو ته له لوبې یوازې یوه ورځ مخکې ویزه ورکړې وه.</p>
<p style="text-align: justify;">بلخوا نن ماخوستن د افغانستان لوبډلې په سعودي کې د دې سیالیو په لړ کې له اندونیزیا سره لوبه اوه په اوه ګولونو مساوي کړه.</p>
<p style="text-align: justify;">افغانستان به درېیمه لوبه د اکټوبر په یوولسمه د مکاو لوبډلې په وړاندې ترسره کړي، او که دا لوبه وګټي ، نو د فوټسال اسیایي لوبو ته به لاره پیدا کړي.</p>
[/restrict]
