کندهار (پژواک، ۴ لړم ۱۴۰۲) د کندهار د تخه پل ولسوالۍ د مېل پله په سیمه کې د دوو اړخونو تر منځ د ځمکې پر سر شخړه کې لس تنه ټپیان شوي دي.
چارواکي وایي، دا پېښه نن پنجشنبه د لړم په ۴ نېټه ماسپښين شاوخوا درې بجې رامنځ ته شوې چې په ترڅ کې یې لس تنه برسېرن ټپیان شوي.
د کندهار د امنیې قوماندانۍ ویاند حافظ صابر پژواک خبري اژانس ته وویل، د پېښې ټپیان تر درملنې وروسته کورونو ته لېږدول شوي.
د هغه په وینا، د پېښې په اړه پلټنې پيل شوي او وروسته به څرګنده شي چې اصلي لامل یې څه وو.
بل خوا د سیمي اوسېدونکي وایي، په دې پېښه کې له لس تنه ټپیانو څخه د څلورو تنو روغتیايي حالت یې د اندېښنې وو.
د تخته پل ولسوالۍ یو تن اوسېدونکی عبدالغفار وایي، پر دې ځمکه مخکې هم شخړه رامنځ ته شوې او دوه لوري یې د ملکیت دعوه کوي ، خو دا معلومات نشته چې دا ځمکه اصلاً د چا ده.
پژواک هڅه وکړه چې د دې پېښې د دواړو اړخونو نظر او معلومات هم واخلي خو بریالي نه شو.
Views: 71
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن