[restrict paid="true"]
اټلانټا (پژواک، ۲۰ سلواغه ۱۴۰۲): په امریکا کې میتا شرکت د دې ټولنیزې شبکې له پالیسۍ د سرغړونو له امله د ایران د مذهبي مشر ایتالله علي خامنهیي د فېسبوک او انسټاګرام حسابونه تړلي دي.
د میتا شبکې یوه ویاند د فرانسې خبري اژانس ته ویلي: «موږ دا حسابونه ځکه وتړل چې په پرلهپسې ډول یې د خطرناکو سازمانونو او افرادو له تګلارې سرغړونې کولې.»
د ازادي راډیو د خبر له مخې، سره له دې چې میتا د اسرائیل او حماس جګړې یادونه نه ده کړې خو د اکټوبر په اوومه نېټه پر اسرائیل د حماس له بریدونو وروسته پر دې شبکه فشارونه وو چې د ایران د دغه مذهبي مشر حسابونه وتړي.
خامنهیي په خپلو دغو ټولنیزو پاڼو او حسابونو کې پر اسرائيل د حماس د بریدونو ننګه کړې وه خو په دغو بریدونو کې یې د ایران لاس لرل رد کړي وو.
[/restrict]
