ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

عزیزي د قزاقستان له سفیر سره افغانستان کې د ډیجیټلي حکومتوالۍ برخه کې د دغه هېواد د همکارۍ په اړه غږېدلی

عزیزي د قزاقستان له سفیر سره افغانستان کې د ډیجیټلي حکومتوالۍ برخه کې د دغه هېواد د همکارۍ په اړه غږېدلی

author avatar
11 Feb 2024 - 15:52
عزیزي د قزاقستان له سفیر سره افغانستان کې د ډیجیټلي حکومتوالۍ برخه کې د دغه هېواد د همکارۍ په اړه غږېدلی
author avatar
11 Feb 2024 - 15:52

کابل (پژواک، ۲۲ سلواغه ۱۴۰۲): د صنعت او سوداګرۍ سرپرست وزیر کابل کې مېشت د قزاقستان له سفیر سره په لیدنه کې افغانستان کې د ډیجیټلي حکومتوالۍ، د هېواد د کانونو برخه کې د پانګونې او نورو برخو کې د دغه هېواد د مرستو په اړه خبرې وکړې.

د صنعت او سوداګرۍ وزارت پر اېکس‌پاڼه د پیغام خپرولو له لارې د دغه وزارت د سرپرست، نورالدین عزیزي او کابل کې مېشت د قزاقستان سفیر علیم خان یسین ګیلدییف د لیدنې خبر ورکړی دی.

سرچینې لیکلي، دواړو لورو کابل ته د قزاقستان د رسمي هیات او خصوصي سکتور د سفر، افغانستان کې د ډیجیټلي حکومتوالۍ برخه کې د دغه هېواد د مرستو، د کانونو برخه کې پانګونې، د تورغنډي – سپین‌بولدک ترانزیټي لارې فعالولو او په ځانګړې توګه د دې لارې د اوسپنې پټلۍ برخه کې د پانګونې په اړه خبرې وکړې.

دا په داسې حال کې ده چې پرون نورالدین عزیزي کابل کې د روسیې د ولسمشر له سلاکار روسلان ایدلګیریف سره ولیدل.

په یاده لیدنه کې هم د سوداګریزو ویزو صادرولو په برخه کې د اسانتیاوو او د اسلامي نړۍ او روسیې په پنځلسم اقتصادي نړۍوال فورم کې د افغانستان بلنې او ګډون په اړه خبرې وشوې.

Views: 23

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.