<p style="text-align: justify;">کابل (پژواک، ۴ کب ۱۴۰۲): د افغانستان کرکټ بورډ له ایرلنډ سره د هېواد د کرکټ ملي لوبډلې د ټېسټ، یو ورځنیو او شل اووریزو نړۍوالو سیالیو نېټې په ډاګه کړې.</p>
<p style="text-align: justify;">د افغانستان کرکټ بورډ پر خپله فېسبوکپاڼه لیکلي چې د ایرلنډ او افغانستان کرکټ لوبډلو ترمنځ یوازینۍ ټېسټ لوبه به د روانې فبرورۍ میاشتې په ۲۸مه پیل شي.</p>
<p style="text-align: justify;">سرچینې لیکلي چې د دواړو لوبډلو ترمنځ به لومړۍ یو ورځنۍ سیالي د راتلونکې مارچ میاشتې په ۷مه نېټه، دویمه لوبه به د مارچ په ۹مه او درېیمه لوبه به بیا د همدې میاشتې په ۱۲مه نېټه ترسره شي.</p>
<p style="text-align: justify;">دغه راز، له یو ورځنیو لوبو وروسته به د افغانستان کرکټ ملي لوبډله د مارچ میاشتې په ۱۵مه، ۱۷مه او ۱۸مه نېټه له ایرلنډ سره درې شل اووریزې لوبې ترسره کوي.</p>
<p style="text-align: justify;">د یادونې ده چې دا لوبې په متحده عربي اماراتو کې د افغانستان په کوربهتوب ترسره کېږي.</p>
