[restrict paid="true"]
<p style="text-align: justify;">اټلانټا (پژواک، ۱۳ کب ۱۴۰۲): د مسلملیګ نواز ګوند مشر شهباز شریف د دویم ځل لپاره د پاکستان لومړی وزیر وټاکل شو، هغه له پیپلز ګوند سره ایتلافي حکومت جوړ کړی دی.</p>
<p style="text-align: justify;">د پاکستان په تېرو پارلماني ټاکنو کې هيڅ یوه ګوند اکثریت ترلاسه نه کړ چې له امله یې مسلملیګ او پیپل ګوندونو له یو شمېر نورو وړو ګوندونو سره ایتلافي حکومت جوړ کړ.</p>
<p style="text-align: justify;">پاکستاني رسنیو خبر ورکړی چې د یکشنبې په ورځ د پاکستان په پارلمان کې د لومړي وزارت لپاره ټاکنې ترسره شوې؛ د پاکستان مسلملیګ ګوند غړي شهباز شریف ۲۰۱ رایې او د عمران خان په مشرۍ د تحریک انصاف ګوند غړي عمر ایوب خان ۹۲ رایې ترلاسه کړې.</p>
<p style="text-align: justify;">دغه راز شهباز شریف د رایو په اکثریت سره د پاکستان لومړی وزیر وټاکل شو.</p>
<p style="text-align: justify;">له دې مخکې هغه د یوهنیم کال لپاره د پاکستان لومړی وزیر و.</p>
[/restrict]
