[restrict paid="true"]
کابل (پژواک، ۲ وری ۱۴۰۲): د فوټبال د ۲۰۲۶ کال نړۍوال جام مقدماتي دویم پړاو او د ۲۰۲۷ کال د اسیا ملتونو جام ته د لارموندنې سیالیو کې د افغانستان او هند ترمنځ لوبه مساوي پای ته ورسېده.
دا لوبه د وري په ۲مه، د شپې په ۱۱ بجو او ۳۰ دقیقو د سعودي په ابها ښار کې ترسره شوه.
د افغانستان فوټبال فدراسیون وایي، د هېواد د فوټبال ملي لوبډله د ۲۰۲۶ کال نړۍوال جام مقدماتي دویم پړاو او د ۲۰۲۷ کال د اسیایي ملتونو جام ته د لارموندنې سیالیو په موخه نن له هند سره لوبه وکړه.
سرچینې زیاته کړې، دغه سیالۍ د لوبې تر پایه پورې مساوي شوه او هېڅ یوې لوبډلې ونه شو کولای چې ګول ووهي.
سرچینه وایي، دا د افغانستان د ۲۰۲۶ کال نړۍوال جام مقدماتي دویم پړاو او د ۲۰۲۷ کال د اسیایي ملتونو جام ته د لار موندنې سیالیو په لړ کې له کویټ او قطر وروسته درېیمه سیالي ده چې له هند سره یې ترسره کړه.
[/restrict]
