[restrict paid="true"]
<p style="text-align: justify;">کابل (پژواک، ۶ وری ۱۴۰۳): د اسلامي امارت سیاسي کمېسیون وایي چې چا ته پر خپله خاوره د تېري او د ملي حاکمیت د نقض اجازه نه ورکوي.</p>
<p style="text-align: justify;">له ارګه د وري په ۵مه خپره شوې یوه خبرپاڼه کې راغلي، د افغانستان اسلامي امارت د ریاستالوزراء سیاسي مرستیال مولوي عبدالکبیر په مشرۍ نن د اسلامي امارت د سیاسي کمېسیون غونډه ترسره شوه.</p>
<p style="text-align: justify;">سرچینې زیاته کړې، په دې غونډه کې د هېواد او سیمې پر سیاسي پرمختګونو، وروستیو تحولاتو او له نړۍ سره پر ښو اړيکو د بحث ترڅنګ له یو شمېر هېوادونو سره د اسلامي امارت د روابطو تر ارزونې وروسته په دې برخه کې د لا پرمختګ په هکله نظرونه شریک شول.</p>
<p style="text-align: justify;">د سیاسي کمېسیون غړو له ګاونډيو هېوادنو سره پر رغنده اړیکو تر بحث وراخوا یادونه وکړه چې اسلامي امارت له ټولو هېوادونو سره د مثبتو اړیکو غوښتونکی دی، خو چاته پر خپله خاوره د تېري او د ملي حاکمیت د نقض اجازه نه ورکوي.</p>
<p style="text-align: justify;">په خبرپاڼه کې رغلي، د سیاسي کمېسیون په دې غونډه کې د یو شمېر موضوعاتو په اړه لازمې پریکړې هم وشوې.</p>
[/restrict]
