افغانستان ته د مالګې پر وارداتو بشپړ بندیز لګېدلی

<p style="text-align: justify;">کابل (پژواک، ۹ وری ۱۴۰۳): د افغانستان د کانونو او پټرولیم وزارت د پلان او پالیسۍ مرستیال د کانونو له قراردادیانو، د فابریکو له مالکانو او د مالګې اتحادیې له غړو سره لیدنه کې ویلي چې د مالګي پر وارداتو بشپړ بندیز لګول شوی دی.</p>

<p style="text-align: justify;">د کانونو او پټرولیم وزارت نن (پنج‌شنبه) د یوې <strong><a href="https://twitter.com/MoMPAfghanistan/status/1773209780858847547">خبرپاڼې</a> </strong>په خپرولو د کانونو له قراردادیانو، د فابریکو له مالکانو او د مالګې اتحادیې له غړو سره د دغه وزارت د پلان او پالیسۍ د مرستیال شیخ ضیالرحمن الاریوبي د لیدنې خبر ورکړی دی.</p>

<p style="text-align: justify;">الاریوبي د مالګې کانونو قراردادیانو ته ویلي: «پر وارداتي مالګه بشپړ بندیز لګولو شوی، قراردادیان او د مالګې فابریکو مالکان دې د دغه فرصت په ارزښت پوه شي او په صداقت او ایمان‌دارۍ دې مالګه استخراج، پروسس، تولید او د هېواد بازارونو ته عرضه کړي.»</p>

<p style="text-align: justify;">هغه ژمنه وکړه چې د کانونو او پټرولیم وزارت د قانونو په چوکاټ کې له دوی هر ډول ملاتړ کوي.</p>

<p style="text-align: justify;">په همدې حال کې، سرچینې زیاته کړې د مالګې قراردادیانو او د کانونو مالکانو هم له دغه اقدامه هرکلی کړی دی.</p>

<p style="text-align: justify;">د یادونې ده، افغانستان په بېلابېلو ولایتونو کې د مالګې څو کانونه لري.</p>