<p style="text-align: justify;">کابل (پژواک، ۱۳ وری ۱۴۰۳): د ازادو سیالیو افغان لوبغاړي بازمحمد مبارز له خپل فرانسوي سیال یوهانوان دهل څخه لوبه وګټله او مات یې کړ.</p>
<p style="text-align: justify;">بازمحمد مبارز پر خپله فېسبوکپاڼه ليکلي: «ګرانو دوستان او وطنوالو، بريا، بريا مو مبارک؛ ستاسو د هر يوه له ملاتړه مننه.»</p>
<p style="text-align: justify;">د معلوماتو له مخې، بازمحمد مبارز دغه سیالي له نږدې درې کلن ځنډ وروسته د ټایلنډ هېواد په «M2MMA » سازمان کې ترسره کړه.</p>
<p style="text-align: justify;">د راپورونو پر اساس، بازمحمد مبارز له دې مخکې ۱۷ سیالۍ ترسره کړې چې ۱۱ یې کټلې او ۶ یې بایللې دي.</p>
