<p style="text-align: justify;">کابل (پژواک، ۳۰ غویی ۱۴۰۳): د پاکستان پنجاب صوبه کې د ترافیکي پېښې له امله د نهو ماشومانو په ګډون د یوې کورنۍ ۱۴ غړي مړه شوي دي.</p>
<p style="text-align: justify;">اکسپرېس تربیون راپور ورکړی چې پرون ناوخته یو مسافر وړونکی بس د پنجاب په خوشاب سیمه کې له سړکه وتلی او کندې ته لوېدلی دی.</p>
<p style="text-align: justify;">د راپور له مخې چې په دې پېښه کې ۱۲ کسان ټپیان شوي هم دي.</p>
<p style="text-align: justify;">د پېښې لامل د موټر تخنیکي ستونزه بلل شوې او ټول ټپیان او مړه د یوې کورنۍ غړي دي.</p>
<p style="text-align: justify;">دا په داسې حال کې ده چې نږدې یوه میاشت مخکې هم د پاکستان د سند پر لویهلار د ترافیکي پېښې له امله ۳۶ کسانو ته مرګژوبله اوښتې وه.</p>
