<p style="text-align: justify;">کابل (پژواک، ۱۰ غبرګولی ۱۴۰۳): د افغانستان لپاره د اروپایي ټولنې ځانګړي استازي توماس نیکلسون او د قطر د بهرنیو چارو وزارت ځانګړي استازي فیصل بن عبدالله الخنزاب د افغانستان په اړه خبرې کړې دي.</p>
<p style="text-align: justify;">د قطر د بهرنیو چارو وزارت په یوه خبرپاڼه کې لیکلي چې دا لیدنه په دوحه کې ترسره شوې چې د خبرو محور یې افغانستان کې سولې او ثبات ته د رسېدو لپاره نړۍوالې هڅې وې.</p>
<p style="text-align: justify;"> دا لیدنه په داسې حال کې ترسره کېږي چې ټاکل شوې تر راتلونکې یوې میاشتې د افغانستان په اړه د دوحې درېیمه ناسته ترسره شي.</p>
<p style="text-align: justify;">بهرنیو چارو وزارت پرون ( چهارشنبه) وویل چې دا ځل د دوحې د درېیمې ناستې په اجنډا کې مثبت بدلون لیدل کیږي.</p>
<p style="text-align: justify;">د سرپرست حکومت چارواکو له دې مخکې ویلي وو چې اسلامي امارت ته دغه ناسته کې د ګډون لپاره بلنه ورکړل شوې.</p>
