کابل (پژواک، ۲۱ زمری ۱۴۰۳): د افغانستان فوټسال غوره لیګ سیالیو کې د پنجشېر پیروزي لوبډلې د نیمروز سعادت لوبډلې ته په ماتې ورکولو سره د دغو سیالیو اتلولي خپله کړه.
د افغانستان فوټبال فدراسیون د یوې خبرپاڼې په خپرولو ویلي چې د یادو دواړو لوبډلو ترمنځ دغه لوبه دوه پر درې د پنجشېر د پیروزي لوبډلې په ګټه پای ته ورسېده.
د پنجشېر پیروزي لوبډلې په دې اتلولۍ سره وکولای شول د اسيا مرکز د فوټسال کلبونو سياليو ته لار پيدا کړي.
د زیتون اېفسي لوبډلې ستوري حبیب حبیبي د دې سیالیو د غورې څېرې په توګه ټاکل شوی دی.
بلخوا، د پنجشېر پیروزي لوبډلې ایراني ګولساتونکي امېد سیف اصفهاني ته په دغه لیګ کې د غور ګولساتونکي نوم ورکړل شو.
دغه راز، د کابل د مهین ځوانانو فوټسال ټېم لوبغاړی نورالله نظري د اقای ګول او د پنجشېر پیروزي ټیم ستوري حسین پناهي د دغه لیګ د غوره لوبغاړي لقبونه خپل کړل.
د یادولو ده، د افغانستان د فوټسال غوره لیګ درېیم پړاو سیالۍ د غوره لوبغاړو پېژندلو په موخه د تېرې چنګاښ میاشتې په ۲۹مه په کابل کې پیل او ۲۳ ورځې یې دوام درلود.
دغه لیګ هر کال ترسره کېږي چې تېر کال د کابل د صداقت ټیم په اتلولۍ پای ته رسېدلی و.
GET IN TOUCH
NEWSLETTER
SUGGEST A STORY
PAJHWOK MOBILE APP