پر اوکراین د روسیې هوایي بریدونو کې ۵۰ کسان وژل شوي

کابل (پژواک، ۱۴ وږی ۱۴۰۳): اوکرایني چارواکي وايي، پر دغه هېواد د روسیې تازه هوايي بریدونو کې ۵۰ کسان وژل شوي او څه باندې ۲۰۰ نور ټپیان دي.

د اسوشیټېډ پرېس د راپور له مخې، د روسیې دوو بالستیکي توغندیو کی‌ېف ته نږدې په پولتاوا ښار کې یو روغتون او د نظامي زده‌کړو یو مرکز په نښه کړي دي.

راپور کې راغلي چې په دغه برید کې یو شمېر ودانۍ نړېدلې دي.

د اوکراین ولسمشر ولادیمیر زلینسکي په یوې انځوریزې ویډیو کې چې په خپل ټلیګرام کې یې نشر کړې ویلي: «ډېری خلک ژغورل شوي او د څېړنې امر مې ورکړی دی.»

ورته مهال، د پولتاوا سیمې قوماندان فیلیپ پرونین هم په خپل په ټګرام کې د ۲۱۹ کسانو د ټپي کېدو خبر ورکړی او ویلي یې دي، ښايي ۱۸ کسان تر خاورو لاندې شوي وي.

هغه زیاته کړې، په یاد برید کې ۱۰ ودانۍ ویجاړې شوې دي.