<p style="text-align: justify;">کابل (پژواک، ۱۱ تله ۱۴۰۳): د غزې روغتيايي چارواکي وایي، په تېرو ۲۴ ساعتونو کې پر غزه د اسرائيل بریدونو کې لږ تر لږ ۵۱ کسانو خپل ژوند له لاسه ورکړی او ۱۶۵ نور ټپیان شوي دي.</p>
<p style="text-align: justify;">د فلسطین خبري اژانس <a href="https://english.wafa.ps/Pages/Details/149854">وفا</a> د راپور له مخې، د فلسطين روغتیایي چارواکو نن ویلی چې اسرائيل په جنوبي غزه کې هوايي بريدونه کړي چې له امله یې ۵۱ کسانو ژوند له لاسه ورکړی او ۱۶۵ نور ټپیان شوي دي.</p>
<p style="text-align: justify;">سرچینه زیاتوي، اسرائيلي ځواکونو د غزې په خانيونس سیمه کې ځمکني عمليات هم پيل کړي دي.</p>
<p style="text-align: justify;">د راپورونو له مخې، تر دې مهاله په غزه کې د اسرائیل په بریدونو کې څه باندې ۴۱۶۸۹ فلسطینیانو ژوند له لاسه ورکړی او له ۹۶۶۲۵ ډېر نور ټپيان شوي دي.</p>
<p style="text-align: justify;"></p>
