د مرکزي اسیا والیبال سیالۍ؛ د افغانستان لوبډلې قرغیزستان ته لوبه وبایله

کابل (پژواک، ۲ لړم ۱۴۰۳): د افغانستان د والیبال ملي لوبډلې د مرکزي اسیا سیالیو په لړ کې خپله پنځمه لوبه هم قرغیزستان ته وبایله.

دغه سیالي نن له غرمې مخکې د ازبکستان په پلازمېنه تاشکند کې ترسره شوه.

همدارنګه په دې سیالۍ کې قرغیزستان درې پر یو سیټونو افغانستان ته ماته ورکړه او لوبه یې وګټله.

د یادونې ده، د افغانستان د والیبال ملي لوبډلې په دغو سیالیو کې دا پنځمه لوبه وه چې ترسره یې کړه، افغان لوبډلې له دې مخکې څلور لوبې ترسره کړې وې چې یوازې مالدیف ته یې ماتې ورکړې، ترکمنستان، ازبکستان او تاجکستان ته یې بیا لوبې بایللې دي.