<p style="text-align: justify;">کابل (پژواک، ۱۰ لړم ۱۴۰۳): د افغانستان د بیسبال فدراسیون وایي، د هېواد د بیسبال ملي لوبډله د اماراتو په کوربهتوب د عرب کلاسیک بیسبال سیالیو کې ګډون کوي او ۱۴کسیزه لوبډله یې هم ورته اعلان کړې ده.</p>
<p style="text-align: justify;">د افغانستان د بیسبال فدراسیون پر خپله <strong><a href="https://www.facebook.com/profile.php?id=100065248562602">فېسبوکپاڼه</a> </strong>لیکلي، د عرب کلاسیک سیالۍ د نومبر په شپږمه په متحده عربي اماراتو کې پیلېږي او دوی دغو سیالیو ته خپله ۱۴کسیزه لوبډله اعلان کړې ده.</p>
<p style="text-align: justify;">دغه راز، په دغه نوملړ کې غفور لوبډلمشر، عثمان، دلاور، محمداصف، رفیعالله، نجم اسلام، صدیقالله، محمدعرفان، سید رحمان، عزیزالله، کرامت، نقیبالله، دوستمحمد او عثمان ځاځی شامل دي.</p>
<p style="text-align: justify;">د افغانستان د بیسبال فدراسیون معلوماتو له مخې، په دغو سیالیو د افغانستان په شمول د پاکستان، هند، سریلانکا، بنګلهدېش، متحده عربي اماراتو، عربستان، فلسطین او نیپال لوبډلې برخه لري.</p>
<p style="text-align: justify;">د یادونې ده، په یادو سیالیو کې به افغانستان خپله لومړۍ لوبه د راتلونکې نومبر میاشتې په ۷مه له هند، دویمه به د نومبر په ۸مه له بنګلهدېش او درېیمه لوبه به د همدې میاشتې په ۹مه له پاکستان سره ترسره کړي.</p>
