کابل (پژواک، ۵ لېندۍ ۱۴۰۳): په افغانستان د روغتیا نړۍوال سازمان وايي چې په بلخ ولایت کې د روږدو ښځو او ماشومانو درملنې لپاره ۵۰ بستریز روغتیايي مرکز پرانیستل شو.
د روغتیا نړۍوال سازمان پرون پر خپله اېکسپاڼه لیکلي چې دغه مرکز بلخ ته د یاد سازمان د سیمهییز مشر حنان بلخي د سفر پر مهال پرانیستل شو.
سرچینې زیاته کړې، په دغه مرکز کې به په راتلونکو لسو میاشتو کې د ۶۲۰ ښځو او ۱۲۰ ماشومانو درملنه وشي او د روږدو لپاره به اړینې مرستې چمتو کړي.
د کورنیو چارو وزارت له نشهيي توکو سره د مبارزې معینیت د معلوماتو له مخې، په تېرو درېیو کلونو کې د افغانستان په کچه د ۱۲۲ زره روږدو درملنه شوې ده.
