<p style="text-align: justify;">کابل (پژواک، ۹ لېندۍ ۱۴۰۳): ایراني رسنیو راپور ورکړی چې د سپاه پاسداران یو نظامي مستشار کیومرث پورهاشمي په سوریه کې وژل شوی دی.</p>
<p style="text-align: justify;">ایرنا خبري اژانس د سپاه پاسداران په حواله <a href="https://www.irna.ir/news/85673925/%D8%B4%D9%87%D8%A7%D8%AF%D8%AA-%D8%B3%D8%B1%D8%AF%D8%A7%D8%B1-%D9%BE%D9%88%D8%B1%D9%87%D8%A7%D8%B4%D9%85%DB%8C-%D9%85%D8%B3%D8%AA%D8%B4%D8%A7%D8%B1-%D9%86%D8%B8%D8%A7%D9%85%DB%8C-%D8%A7%D8%B1%D8%B4%D8%AF-%D8%A7%DB%8C%D8%B1%D8%A7%D9%86-%D8%AF%D8%B1-%D8%B3%D9%88%D8%B1%DB%8C%D9%87">راپور</a> ورکړی او لیکلي یې دي: «د حرم مدافع او په سوریه کې د سپاه پاسداران لوړپوړی نظامي مستشار دویم سردار سرتیپ پاسدار، کیومرث پورهاشمي چې په (حاج هاشم مشهور و)، تېره شپه د حلب ښار په څنډه کې د تکفیري صهیونیستي ترهګرو په بریدونو کې په شهادت ورسېد.»</p>
<p style="text-align: justify;">د راپورونو پر بنسټ، د ایران دغه لوړپوړی قوماندان په حلب کې د بشار اسد رژیم د مخالفې «تحریم الشام» ډلې په برید کې وژل شوی دی.</p>
<p style="text-align: justify;">د دې ډلې د راپور له مخې، تېره چهارشنبه یې د سوریې په شمال کې د مخالفینو تر کنټرول لاندې په وروستۍ سیمه کې د سوریې د اردو پر وړاندې پراخ نظامي عملیات پیل کړل او ځینې سیمې یې هم نیولې دي.</p>
