فراه (پژواک، ۶ مرغومی ۱۴۰۳): د فراه ښاروالۍ مسوولین وایې چې د دغه ولایت په مرکز کې د ۸ میلیونه افغانیو په لګښت د درېیو سړکونو د جوړولو چاري پیل شوې.
د فراه ښاروال مفتي سردارمحمد مرصاد وایي چې د ښاروالۍ له پراختیايي بودجې څخه په د فراه ښار په درېیو ناحیو کې د اته میلیونه افغانیو په لګښت سړکونه جوړېږي.
نوموړی زیاتوي دغه سړکونه د ملنګ جان پنځلسم سرک، نازو انا لومړۍ سرک او شپږمې ناحیې اړوند سړکونه دي چې په اساسي ډول سره جوړېږي.
مرصاد وایې چې دغه درې سړکونه څه د پاسه یو کیلومتر اوږدوالی لري چې چارې به یې د ښاروالۍ له بودجې د درېیو میاشتو په موده کې بشپړې شي.
