نورستان کې د ترافیکي پېښې له امله څلورو کسانو ته مرګ‌ژوبله اوښتې

مهترلام (پژواک، ۲۲ مرغومی ۱۴۰۳): د نورستان د امنیه قومانداني مسوولین وایي، تېره شپه د دغه ولایت په کامدېش ولسوالۍ کې د ترافیکي پېښې له امله دوو ښځو ژوند له لاسه ورکړی او دوه ماشومان ټپیان شوي دي.

د نورستان ولایت د امنیې قوماندانۍ ویاند غلام‌الرحمن حیدري پژواک خبري اژانس ته وویل، تېره شپه شاوخوا یولس بجې د کامدېش ولسوالۍ په مرکزي کلي کې یو ډاټسن موټر له سړکه یوې ژورې کندې ته لوېدلی چې له امله یې دوو مېرمنو ژوند له لاسه ورکړی او دوه ماشومان په‌کې ټپیان شوي دي.

د هغه په خبره، ټپیان د درملنې په موخه د کامدېش ولسوالۍ روغتیایي مرکز ته لېږدول شوي دي.

د پېښې علت د موټرچلوونکي بې‌احتیاطي او د سړک خرابوالی ښودل شوی دی.