بلخ کې د ترافیکي پېښې له امله اووه کسانو ته مرګ‌ژوبله اوښتې

مزارشریف (پژواک، ۳۰ مرغومې ۱۴۰۳): د بلخ ترافیکو مدیریت مسوولین وایي، چې د دغه ولایت مرکز مزارشریف ښار کمپ سخي سیمه کې د یوې ترافیکي پېښې له امله درېیو کسانو خپل ژوند له لاسه ورکړی او څلور نور ټپیان شوي دي.

د بلخ امنیې قوماندانۍ د ترافیکو مدیریت د پېښو امر هدایت‌الله نصرتي وایي چې یاده پېښه نن له غرمې وروسته د بلخ ولایت مرکزمزارشریف ښار په کمپ سخي سیمه کې د یوه پاسو او باروړونکي (ماند) ډوله موټر د ټکر له امله شوې ده.

دی وایي چې په دغه پېښه کې درېیو کسانو خپل ژوند له لاسه ورکړی او څلور نور ټپیان شوي دي.