<p style="text-align: justify;">کابل (پژواک، ۲۲ سلواغه ۱۴۰۳): د فوټبال فدراسیون وایي، راتلونکې میاشت کې د برازیل، ګرینلینډ، ایران او د افغانستان فوټسال ملي لوبډلو ترمنځ سیالۍ ترسره کېږي.</p>
<p style="text-align: justify;">د افغانستان د فوټبال فدراسیون پر خپله فيسبوکإپاڼه لیکلي، د هېواد د فوټسال ملي لوبډله د برازیل په کوربهإتوب د فوټسال څلور اړخیزو سیالیو کې ګډون کوي.</p>
<p style="text-align: justify;">سرچینې لیکلي، یادې سیالۍ به د روان ۱۴۰۳ کال د کب میاشتې له ۱۳مې تر ۱۹مې نېټې پورې د برازیل په کوربه ترسره شي چې په کې به د افغانستان ترڅنګ د ایران، ګرینلینډ او برازیل د فوټسال ملي لوبډلې ګډون ولري.</p>
<p style="text-align: justify;">دا په داسې حال کې ده چې د سلواغې په ۱۷مه د فوټبال فدراسیون له ایراني روزنکی مجید مرتضایي سره قرارداد د د یوه بل کال لپاره وغځاوه او افغان لوبغاړي به په دغو څلور اړخیزو سیالیو د یاد روزونکي په لارښوونه ولوبېږي.</p>
