<p style="text-align: justify;">کابل (پژواک، ۷ کب ۱۴۰۳): د راپورونو له مخې، په شمالي وزیرستان کې وسلهوالو پر یوه چکپاینټ برید کړی چې پهکې څلور پاکستاني پولیس وژل شوي او دوه نور ټپیان دي.</p>
<p style="text-align: justify;">د پاکستان ډان ورځپاڼې نن په یوه <a href="https://www.dawn.com/news/1894184">راپور</a> کې ویلي، پرون دوشنبې د شمالي وزیرستان د سپین وام درویشتا سیمه کې وسلهوالو پر یوه چکپاینټ برید کړی چې څلور امنیتي ځواکونه په کې وژل شوي او دوه نور ټپیان دي.</p>
<p style="text-align: justify;">راپور کې راغلي، تر برید وروسته د امنیتي ځواکونو او وسلهوالو ترمنځ نښته شوې چې دواړو خواوو په کې سپکې او درنې وسلې کارولې دي.</p>
<p style="text-align: justify;">دا په داسې حال کې ده چې د روانې فبروري میاشتې په پنځمه نېټه هم د خیبر پښتونخوا په کرک ولسوالي کې وسلهوالو پر یوه چکپاینټ برید کړی و چې درې پولیس پهکې وژل شوي وو او شپږ نور ټپیان وو.</p>
<p style="text-align: justify;"></p>
