<p style="text-align: justify;">کابل (پژواک، ۳ غویی ۱۴۰۴): د افغان ابدالیانو کرکټ لوبډله په درې اړخیزه لوبلړۍ کې نن خپله څلورمه یو ورځنۍ لوبه د سریلانکا له الف لوبډلې سره کوي.</p>
<p style="text-align: justify;">د افغانستان کرکټ بورډ نن پر خپله فېسبوکپاڼه لیکلي چې افغان ابدالیان لوبډله به په درې اړخیزه لوبلړۍ کې د خپلې څلورمې لوبې په موخه د سریلانکا الف لوبډلې پر وړاندې د سیالۍ ډګر ته کښته شي.</p>
<p style="text-align: justify;">سرچینې ویلي، دغه لوبه به د کابل پر وخت سهار لسنیمې بجې د متحده عربي اماراتو د ابوظبۍ په زاید کرکټ لوبغالي کې پیل شي.</p>
<p style="text-align: justify;">په دغو سیالیو کې افغان لوبډلې خپله لومړی لوبه د سریلانکا الف لوبډلې ته بایللې خو دویمه لوبه کې یې د ایرلینډ الف لوبډلې ته ماته ورکړه او خپله درېیمه لوبه یې بیا د ایرلینډ الف لوبډلې ته وبایلله.</p>
<p style="text-align: justify;">دغه درې اړخیزه سیالۍ د افغان الف «افغان ابدالیان»، د سریلانکا الف او ایرلینډ الف لوبډلو ترمنځ په متحده عربي اماراتو کې د افغانستان په کوربهتوب روانې دي.</p>
