<p style="text-align: justify;">کابل (پژواک ۹ غويی ۱۴۰۴): چينايي رسنيو راپور ورکړی چې د دغه هېواد د لیویانګ ښار په یو رسټورانټ کې نن د اورلګېدنې له امله ۲۲ کسانو ژوند له لاسه ورکړی او درې نور ټپیان شوي دي.</p>
<p style="text-align: justify;">د چين دولتي خبري اژانس <a href="https://english.news.cn/20250429/a00f109d40bb497f95ef0fbae72495a3/c.html">شينهوا</a> د راپور له مخې، یاده اورلګېدنه په ځایي وخت نن غرمه شاوخوا دولسنیمې بجې د چین شمالختیځ لیونینګ ولایت په لیویانګ ښار کې رامنځته شوې ده.</p>
<p style="text-align: justify;">سرچينه زیاتوي، د یادې اورلګېدنې له امله ۲۲ کسان مړه شوي او درې نور ټپیان دي.</p>
<p style="text-align: justify;">د پېښې د لامل په اړه تر دې دمه څه نه دي ویل شوي.</p>
<p style="text-align: justify;">په راپور کې راغلي چې د چين ولسمشر شيجین پینګ د یادې اورلګېدنې د ټپیانو پر ښې درمنلې ټينګار کړی دی.</p>
