بغلان کې د ترافیکي پېښې له امله څلورو کسانو ته ‌مرګ‌ژوبله اوښتې

<p style="text-align: justify;">پلخمري (پژواک، ۲۰ غویی ۱۴۰۴): د بغلان امنیه قومانداني وایي، د دغه ولایت په مرکز پلخمري ښار کې د اوبو ویالې ته د یوه موټر لوېدو له امله دوو کسانو ژوند له لاسه ورکړی، دوه ټپیان شوي او یو بل لادرکه دی.</p>

<p style="text-align: justify;">د بغلان د امنیه قوماندانۍ په خبرپاڼه کې راغلي چې ‎نن له غرمې مخکې دپلخمري ښار شهر نو سرکې ته څېرمه یو پاسو ډوله موټر د اوبو ویالې ته لوېدلی دی.</p>

<p style="text-align: justify;">سرچينې لیکلي چې په دغه پېښه کې دوو کسانو ژوند له لاسه ورکړی، دوه نور ټپیان شوي او موټرچلوونکی لادرکه دی.</p>

<p style="text-align: justify;">امنیه قوماندانۍ لیکلي چې د پېښې ټپيان روغتون ته لېږدول شوي دي.</p>

<p style="text-align: justify;"></p>