کابل (پژواک، ۲۱ غویی ۱۴۰۴): د افغانستان د سوکوهنې ملي فدراسیون وایي، د ملي لوبډلې پنځه لوبغاړي د سوکوهنې په نړۍوالو سیالیو کې د ګډون په موخه نن سریلانکا ته لاړل.
د افغانستان د سوکوهنې ملي فدراسیون پر خپله فیسبوکپاڼه لیکلي، د سوکوهنې ملي لوبډلې پنځه لوبغاړي د ۲۵ هېوادونو د لوبډلو ترمنځ نړۍوالو سیالیو کې د ګډون په موخه نن سهار سریلانکا ته لاړل چې دوو روزونکو یې هم ملتیا کوله.
سرچینې لیکلي، په دغو سیالیو کې د ۲۵ هېوادونو لوبغاړي ګډون کوي چې د ځوانانو او لویانو په دوه عمري کټګوریو کې به ترسره شي.
د افغانستان د سوکوهنې فدراسیون د معلوماتو له مخې، یادې سیالۍ پرون (د مې په لسمه) پیل شوې چې د همدې میاشتې تر ۲۴مې نېټې به دوام وکړي.
د یادونې ده چې افغان سوکوهونکي شاهد خروټي د تېرې جمعې په ورځ پېښور کې خپل پاکستاني سیال ته ماتې ورکړه.
GET IN TOUCH
NEWSLETTER
SUGGEST A STORY
PAJHWOK MOBILE APP