غزني (پژواک، ۵ غبرګولی ۱۴۰۴): د غزني ولايت په مربوطاتو کې د ۲۰۰ میلیون افغانیو په لګښت د کابل – کندهار عمومي سړک د دواړو غاړو (شولډر) جوړولو چارې پيل شوې.
د غزني د ټولګټو رییس مولوي عبدالقدیر بلال پژواک خبري اژانس ته وویل، د کابل – کندهار عمومي سړک د دواړو غاړو (Shoulder) جوړولو چارې چې یوه خصوصي شرکت ته په قرارداد ورکړل شوې، تېره ورځ د دغه ولایت په مقر ولسوالۍ کې رسماً پیل شوې.
هغه زیاته کړه، د یاد سړک دواړه غاړې به چې تر اوسه نیمه خامه پاتې وې، په پاخه او اساسي ډول د یوه کال په موده کې ورغول شي.
د هغه په خبره، په دې پروژه کې د ۹۶ کیلومتره یاد سړک دواړو غاړو چې یونیم یونیم متر سور لري، جوړېدل شامل دي.
سرچینه وايي، د دې پروژې لګښت ټول ۱۹۸ میلیون افغانۍ کېږي چې د ټولګټو وزارت یې ورکوي.
GET IN TOUCH
NEWSLETTER
SUGGEST A STORY
PAJHWOK MOBILE APP