د مرکزي اسیا د والیبال د اتلولۍ سیالۍ: افغانستان مالدیف ته ماته ورکړه

<p style="text-align: justify;">کابل (پژواک، د لړم لومړۍ نېټه ۱۴۰۴): د افغانستان د والیبال ملي لوبډلې د اسیا مرکزي زون اتلولۍ سیالیو په لړ کې په خپله دویمه لوبه کې مالدیف ته درې پر صفر ماته ورکړه.</p>

<p style="text-align: justify;">د اسیا د مرکزي زون د والیبال د اتلولۍ سیالۍ د بنګله‌دېش په پلازمېنه ډاکه کې روانې دي.</p>

<p style="text-align: justify;">د افغانستان او مالدیف لوبډلو ترمنځ لوبه نن ماسپښین ترسره شوه او افغانستان وکولای شول درې پر صفر مالدیف لوبډلې ته ماته ورکړي.</p>

<p style="text-align: justify;">افغان لوبډلې خپله لومړۍ لوبه سریلانکا ته بایللې وه.</p>

<p style="text-align: justify;">د یادونې ده، د افغانستان د والیبال ملي لوبډله به په دغو سیالیو کې خپله درېیمه لوبه سبا د ترکمنستان له لوبډلې سره ترسره کړي.</p>