قلعهنو (پژواک، د لړم ۲۰مه، ۱۴۰۴): د بادغيس د عامې روغتيا رياست اعلان کړی چې د دغه ولايت په مرکز قلعهنو ښار کې دوهنيم ټنه تاريختېر خوراکي او غيرخوراکي توکي وسوځول شول.
د عامې روغتيا رياست د څارنې او ارزونې امر مولوي خالقداد حقمل وايي چې په يادو توکو کې يونيم ټن خوراکي توکي او يو ټن درمل او غيرخوراکي توکي شامل وو چې د ښار له بېلابېلو برخو راټول شوي وو.
نوموړي زياته کړه چې دغه توکي له طبي معاينې او د اړوند کمېسيون له تاييد وروسته په رسمي توګه وسوځول شول څو له بيا کارونې مخه یې ونیول شي.
حقمل ټينګار وکړ چې د درملتونونو، دوکانونو او د خوراکي توکو د خرڅلاو مرکزونو څارنه د ولايت په مرکز او ولسواليو کې زياته شوې ده څو د تاريختېرو توکو د خرڅلاو مخه ونيول شي.
GET IN TOUCH
NEWSLETTER
SUGGEST A STORY
PAJHWOK MOBILE APP