پروان کې د یوه کور د خونې چت لوېدو پېښه کې اته کسان مړه شوي

<p style="text-align: justify;">چاریکار (پژواک، ۲۲ وری ۱۴۰۵): د پروان ولایت مسوولین وايي چې به دغه ولایت کې د یوه کور د خونې چت لوېدو له امله اته کسان مړه شوي او یو بل ټپي دی.</p>

<p style="text-align: justify;">د پروان ولایت د مقام مطبوعاتي دفتر په یوه خبرپاڼه کې ویلي چې دا پېښه تېره شپه شاوخوا دوه بجې د سیاګرد ولسوالۍ د بغندک سیمې په خیشک دره کې شوې ده.</p>

<p style="text-align: justify;"><img class="aligncenter wp-image-720289 " src="https://pajhwok.com/wp-content/uploads/2026/04/Parwan-Room-2.jpeg" alt="" width="685" height="450" /></p>

<p style="text-align: justify;">په همدې حال کې، د پروان د طبیعي پېښو پر وړاندې د چمتووالي رییس مولوي عبدالعلیم افضلي ویلي چې په مړه شوو کسانو کې ښځې، ماشومان او نارینه شامل دي.</p>

<p style="text-align: justify;">د هغه په خبره، دا پېښه د یوه کور د خونې چت نړېدو له امله شوې ده.</p>

<p style="text-align: justify;">نوموړي زیاته کړې چې دا پېښه د وروستیو پرله‌پسې او شدیدو بارانونو له امله شوې او اړوندو مسوولینو د زیانمنو کسانو د وضعیت ارزونې او مرستې لپاره اقدامات پیل کړي دي.</p>