کابل (پژواک) ـ افغان ابدالیان کرکټ لوبډلې د هانګکانګ په کوربهتوب د شپږ اوریزو نړیوالو سیالیو نیمهپایلوبه کې سکاټلنډ ته د ۲۱ منډو په توپیرماته ورکړه او پایلوبې ته یې لار پیدا کړه.
د افغانستان او سکاټلنډ ترمنځ نیمهپایلوبه لوبه نن له غرمې وروسته په هانګکانګ کې ترسره شوه.
په دې لوبه کې د افغان ابدالیان لوبډلې لومړۍ توپوهنه ترسره کړه او په ټاکل شوو شپږ اورونو کې یې د څلورو لوبغاړو په سوځېدو ۱۲۱ منډې وکړې.
د افغان لوبډلې په ګټه لوبډلمشر ګلبدین نایب ۵۱، کریم جنت ۳۸ او صدیقالله پاچا ۲۷ منډې وکړې.
د سکاټلنډ لوبډلې ورکړل شوی هدف پوره نه کړای شو او په شپږو اورونو کې یې د درېیو لوبغاړو په سوځېدو ۱۰۰ منډې وکړې او د ۲۱ منډو په توپیر یې له افغانستانه ماتې وخوړه.
د افغانستان کرکټ بورډ د معلوماتو له مخې، افغان لوبډله به په دغو سیالیو سبا له اسټرالیا سره پایلوبه ترسره کړي.
