بنیامین بارز

د هرات یو شمېر ښاریان په دغه ښار کې د ګنې‌ګوڼې له زیاتوالي او د ترافیکي بې‌نظمیو له امله شکایت کوي او وايي، مسوولین باید دې ستونزې ته مناسبه حل لاره پیدا کړي.

هرات کې ځيني کارګر د کار له نشتوالي شکایت کوي او وایي چې حکومت باید د غیرقانوني کډوالۍ مخنیوي په موخه ځوانانو ته د کار زمینه برابره کړي.

هرات کې امنیتي سرچینې وايي په دغه ولایت کې یوه ماشومه چې پلار یې له وهلو ډبولو وروسته په کور کې بندي کړې وه، د امنیتي ځواکونو عملیاتو په نتیجه کې خوشې شوه.

هرات کې یوې مېرمنې د خیاطۍ کارګاه په جوړولو سره دغه ولایت کې ۴۰ بې‌وزلو ښځو ته د کار زمینه برابره کړې ده.

هرات کې د بوټانو یو شمېر تولیدوونکي د دغه ولایت بازارونو ته د ورته محصولاتو پر وارداتو ‎اندېښنه څرګندوي او وايي، دا کار د دې لامل کېږي چې د بوټانو د تولید ډېرې کارخونې خپل فعالیت بند کړي.

هرات کې یو شمېر ‎ تار پلورونکي بهر ته د تار د صادراتو له درېدو شکایت لري او وایي چې له امله یې د دغه محصول ډېر تولیدوونکي او پلورونکي بې‌کاره شوي دي.

د هرات د پاسپورټ امریت وایي چې ۳۰ کسان یې د اسنادو د جعل او د پاسپورټ اسنادو د طی مراحلو په موخه له خلکو څخه د بډې اخیستلو په تور نیولي دي.

د هرات ځايي مسوولین وايي چې د دغه ولایت د «نګارستان» او د اطلاعاتو او فرهنګ ریاست په نوښت د «همدلي» په نوم یو پنځه‌ ورځنی هنري نندارتون پرانیستل شو.

د هرات ځيني حکاکان د حکومت او خلکو پر ملاتړ ټينګار کوي او وایي چې د حکاکۍ برخې هنرمندانو ته دې له هېواده بهر هنري فرصوتونو او نړۍوالو نندارتونونو کې د ګډون زمینه برابره شي.

هرات کې ځایي مسوولین وايي، د دغه ولایت د کروخ ولسوالۍ د «مسجد چوبي» ډبروسکرو کان د کیندلو چارې د ۱۵ میلیون افغانیو په ارزښت یوه خصوصي شرکت ته وسپارل شوې.

هرات کې بهر ته د زعفرانو یوازېنۍ صادروونکې مېرمن له حکومته د ملاتړ او په نړۍوالو نندارتونونو کې د ګډون لپاره د اسانتیاوو برابرېدو غوښتنه کوي او وایي که ملاتړ یې وشي، ډېرو ښځو ته د کار زمینه برابرولای شي.

هرات کې ځايي مسوولین وايي، د دغه ولایت له زیږنتون او حوزوي روغتونونو سره روغتیا نړۍوال سازمان (WHO) لوېدیځ زون دفتر له لوري د ۷۰ زره امریکايي ډالرو په ارزښت د طبي تجهیزاتو مرسته وشوه.