کابل

چارواکي وایي چې د کابل په تره‌خېلو کې د ۱۸ میلیون ډالرو په لګښت د ۲۵۲ میګاواټه برېښنا په ظرفیت د یوه سب‌سټېشن جوړولو او له چمتلې تر تره‌خېلو د ۲۲۰ کیلوواټه مزي غځولو چارې پیل شوې.

نن په کابل ښار کې د تېرو اوو ورځو په پرتله د لومړنیو اړینو توکو بیو کې بدلون نه دی راغلی.

د اوړي موسم په پای ته رسېدو سره، یو شمېر کابل ښاریان د تېر کال د همدې مودې په پرتله د سون لرګیو د بیې له لوړېدو شکایت لري او له مسوولینو دغه برخه کې د پاملرنې غوښتنه کوي.

د المپیک ملي کمېټه وایي چې د کابل ښار د څلورو زونونو او درېیو ولسوالیو د ۲۲۰ ورزشکارانو ترمنځ د کابل د سوک‌وهنې لوبډلې ته د لوبغاړو غوراوي په موخه سیالۍ پیل شوې.

کابل کې د ښځو په ګډون نږدې ۳۰۰ ډاکټرانو خپله د تخصص دوره بشپړه کړه او د فراغت په مناسبت یې جوړه شوې غونډه کې چارواکو وویل چې د هېواد پر روغتیايي سیستم د شته بې‌باورۍ د له منځه تلو لپاره دې دغه متخصصين خلکو ته په لوړ کیفیت روغتیايي خدمات وړاندې کوي.

د افغانستان پخواني ولسمشر حامد کرزي، د امریکا متحده ایالتونو او ملګرو ملتونو په کابل ښار کې د وړمې ورځې برید په سختو ټکو غندلی دی.

کابل کې يو شمېر لوستي ځوانان وايي، سره له دې چې لوړې زده‌کړې يې کړې خو بیا هم دندې نه ورته پيدا کېږي، خو حکومتي مسوولين دغه ډول ځوانانو ته د کار پيدا کېدو برخه کې د بېلابېلو پروګرامونو درلودو خبره کوي.

د ملګرو ملتونو عمومي منشي انټونیو ګوټریش، جورجټ ګانیون په افغانستان کې د ملګرو ملتونو د مرستندوی دفتر (یوناما) د سیاسي مرستیالې په توګه ټاکلې ده.

د عدلیې وزارت وایي، کابل ښار کې یې د ۳۴ ټولنو، خيریه بنسټونو او شوراګانو د دفترونو ارزونه کړې چې په پایله کې یې د درېیو خيریه بنسټونو، یوې ټولنې او یوې شورا دفترونه د غیرقانوني فعالیت له امله تړلي دي.

یو شمېر کابل ښاریان په داسې حال کې د اوبو له کمښته شکایت کوي چې د اوبو او برېښنا وزارت وايي، کابل ته د پنجشېر سیند اوبو د لېږد پروژې په پلي کېدو سره دغه ښار کې دوه میلیون کسان د څښاک پاکو اوبو ته لاسرسی پیدا کوي.

په کابل کې د قطر سفارت مستشار د ریاست‌الوزراء له سیاسي مرستیال سره په لیدنه کې ویلي، هېواد به یې یو شمېر افغان ځوانانو ته د بانکدارۍ په برخه کې د ظرفیت لوړنې لنډمهاله زده‌کړې برابرې کړي او هڅه کوي چې د کابل او دوحې ترمنځ مستقیم پروازونه هم پیل شي.

په کابل کې د شهیدانو د ورثه‌وو او معلولینو د پالنې له مرکز څخه ۱۲۵ معلولین او یتیمان د پنځه میاشتنیو فني او حرفوي زده‌کړو له پروګرامه فارغ شول.