ننګرهار

د ننګرهار د عامې روغتيا رياست وايي چې د دغه ولايت ۶۰ روغتيايي مرکزونه چې د ۴۸ ډوله طبي او غیرطبي تجهیزاتو له کمښت سره مخ وو، نن يې ستونزه حل هواره شوه او دغه وسایل ورکړل شول.

د ننګرهار ولايت له عمومي زندانه د اتو ښځو په ګډون ۱۲۳ کسان ازاد او خپلو کورنیو ته ستانه شول.

د ننګرهار د کرنې او مالدارۍ رياست له لوري د دغه ولايت په اوو ولسواليو کې د ۱۸ ميليون افغانيو په لګښت د چک‌ډيمونو جوړولو چارې پيل شوې.

د ننګرهار عامې روغتيا رياست وايي، د جلال اباد حوزوي روغتون په نسايي ولادي څانګه کې د مېرمنو د فيسټولا ناروغۍ عملیات خونه جوړه شوه.

د ننګرهار امنیتي چارواکي وايي چې د دغه ولایت په مرکز جلال‌اباد ښار او خوږياڼو ولسوالۍ کې درې ترافيکي پېښې شوې چې له امله يې درېیو کسانو ژوند له لاسه ورکړی او یو بل ټپي شوی دی.

د ننګرهار ولایت په کوز کونړ ولسوالۍ کې د کلیو پراختیا او بیارغونې ریاست له لوري د ۷ میلیون او ۸۰۰ زره افغانیو په لګښت د یوه سړک پخولو چارې پیل شوې.

د ننګرهار روغتيايي چارواکي وايي چې د جلال‌اباد سیمه‌يیز روغتون کې يوې مېرمنې په يو ځل څلور ماشومان زېږولي دي.

ستره محکمه وايي، د ننګرهار په کوز کونړ ولسوالۍ کې د لومړنۍ محکمې له لوري درېيو کسانو ته د نامشروع اړیکو په جرم تعزیري سزا ورکړل شوه.

د ننګرهار د پوهنې رياست او د دغه ولايت د ډاکټرانو اتحادیې يوه هوکړه‌ لاسلیک کړې چې له مخې يې له دې وروسته ډاکټران په خپلو شخصي کتنځايونو کې له ښوونکو فیس نه اخلي.

د ننګرهار د کرنې رياست وايي چې د ځمکو له غصب د مخنيوي تخنيکي پلاوي په همکارۍ يې د دغه ولایت په سره‌رود ولسوالۍ کې ۸۰۰ جریب غصب شوې ځمکه را ګرځولې.

د ننګرهار امنيه قومانداني وايي جې په دغه ولايت کې د پاسپورټونو د وېش پروسه بېرته عادي حالت ته راګرځېدلې او په تېرو شاوخوا لسو مياشتو کې ۶۵ زره او ۵۰۰ کسانو ته پاسپورټونه وېشل شوي دي.

د ننګرهار امنيه قومانداني وايي، جلال‌اباد ښار کې يې د سوالګرو د مخنيوي په موخه کمپاين ترسره کړی چې پر مهال يې ۱۰۴ سوالګر ماشومان راټول کړي او د مرستو په موخه يې اړوندو ادارو ته ورپېژندلي دي.