هرات ښار (پژواک ١٢ مرغومى ٩٢): د هرات ښاروالۍ د څلورمې ناحيې مسووله د ناپېژانده وسله والو له خوا پر ډزو ووژل شوه.
د يادې ښاروالۍ مرستيال نقيب الله اروين د مرغومي په ١٢مه پژواک خبري اژانس ته وويل، چې د ا پېښه نن له غرمې وروسته په څه کم دوو بجو رامنځته شوې ده.
هغه زياته کړه، چې د هرات ښاروالۍ د څلورمې ناحيې مديره يلدا وزيري له دندې خپل کور ته پر لاره وه، چې د څلورمې ناحيې په مربوطاتو کې د ناپېژانده وسله والو له خوا ووژل شوه.
اروين وايي، چې د هغې جسد ملکي روغتون ته وړل شوى دى.
د هرات د امنيه قوماندان وياند سمونوال عبدالرووف احمدي د پېښې د تاييد ترڅنګ پژواک اژانس ته وويل، چې بريد کوونکي تښتېدلي او پوليسو يې په اړه پلټنې پيل کړې دي.
تر اوسه د دې پېښې مسووليت کومې ډلې پر غاړه نه دى اخيستى.
Visits: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن