منځپانګې ته تلل
دوشنبه ۱۶ نومبر ۲۰۲۶ · کابل ۱۰:۱۰ غ.و
۴° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی

په اروزګان کې د واليبال او فوټبال سيالۍ پيل شوې

· ۱ دقیقه لوستل · ۸۲ کتنې

ترينکوټ ( پژواک، ٢١ ورى ٩٣ ) : د اروزګان ولايت په مرکز ترينکوټ ښار کې د لسګونو لوبډلو ترمنځ د واليبال او فوټبال سيالۍ پيل شوې.

ددې  ولايت دلوبو امر قدرت الله الفت د وري په ٢١مه، پژواک خبري اژانس ته وويل، چې ١٩ لوبډلې د واليبال او ٢٠ لوبډلې د فوټبال په سياليو کې ديوه بل پر وړاندې ډګر ته راوځي.

هغه زياته کړه، دا سيالۍ چې نن پيل شوې، يوه مياشت به دوام وکړي.

د نوموړي د معلوماتو له مخې، دغه لوبډلې د ولايت د مرکز ترينکوټ او يو شمېر ولسواليو اړونده دي.

الفت وويل، چې د فوټبال او واليبال د سياليو اتلې لوبډلې به د زون په کچه په دغو لوبو کې ګډون کوي.

په همدې حال کې د واليبال او فوټبال لوبو لوبغاړي خوښي څرګندوي او وايي ، دوی هم دا غوره بولي، چې دا ډول سيالۍ ترسره شي.