کابل (پژواک، ۲۸ مرغومی ٩٩): د کابل ښار د درېیمي امنیتي حوزې پولیسو دوه نجونې له مشهورړ او نېک نامو کسانو د باج اخیستو په تور نیولې دي.
د ولسمشرۍ ریاست لومړي مرستیال امرالله صالح نن یکشنبې د (مرغومي ٢٨) په خپله فېسبوک پاڼه کې لیکلي چي دې دوو نجونو د مفشنو جامو په اغوستو له مشهورو او نېک نوم لرونکو خلکو باج اخیست.
صالح وویل چې دغو دوو نجونو سړیو ته ګواښ کاوه، که پیسې ورنه کړي، خپلې کورني او بشري حقوقو ته به شکایت وکړي چی دوی ته یې لاس ور اچولی دی.
د حکومت دغه لوړپوړي چارواکي زیاتوي چې یو شېیر نارینه، د دغه ګواښ ښکار شوي چی د خپل عزت او له جنجال نه د خلاصیدو لپاره، دغه دوه نجونو ته پیسی ورکولي.
امرالله صالح، په خپلو خبرو کې ویلي چی له څو کلونو راهیسې دې موضوع ته رسېدنه نه وه شوې.
د صالح په وینا، تر ټولو لویه ستونزه په عدلي او قضایي نهادونو کې د ښځو محدود حضور دی او د پولیس په لیکو کی هم دغه ستونز ده؛ ځکه چې د تعادل نه شتون جرمي مسایلو ته د رسېدنې او څېړنې له نظره د دولت لاسرسي ته د ټولنې نیمايي تړلې یا محدود کړې ده.
Visits: 76
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن