کابل (پژواک، ۱۴ غبرګولى ١٤٠٠): د عامې روغتيا وزارت وايي چې په تېرو ٢٤ ساعتونو کې د کرونا ۱۳۳۵ مثبتې پېښـې ثبت شوې او ۳۶ کسان يې له امله مړه شوي دي.
د عامې روغتيا وزارت له لوري د غبرګولي په ۱۴ مه پژواک خبري اژانس ته په رالېږل شوې خبرپاڼه کې راغلي چې په تېرو ٢٤ ساعتونو کې د هېواد په لابراتوارونو کې د کرونا ويروس ۳۸۸۵ شکمنې پېښې معاینه شوې چې ۱۳۳۵ يې مثبتې دي.
سرچينه وايي چې د يادو پېښو په ثبتېدو سره په هېواد کې پر کرونا ويروس د اخته کسانو شمېر ۷۷۹۹۳ ته لوړ شو.
د عامې روغتيا وزارت د معلوماتو له مخې، په تازه پېښو کې ۳۳۰ کسان په کابل، ۱۳۸ په کندوز، ۱۲۸ په پنجشېر، ۱۰۶ په بلخ، ۸۵ په ننګرهار، ۷۱ په میدان وردګ، ۶۰ په بدخشان، ۵۵ – ۵۵ په کندهار او تخار، ۴۸ په پکتیکا، ۴۴ سرپل، ۴۱ په هرات، ۳۳ په بغلان، ۲۹ پکتیا، ۲۵ لوګر، ۲۲په بامیان، ۱۷ په اروزګان، ۱۴په فاریاب، ۱۲ په کونړ، ۱۰ په زابل، ۶ په سمنګان، ۴ په غور او ۲ په لغمان ولايتونو کې په کرونا ويروس اخته شوي دي.
خبرپاڼه کې زياته شوې چې په تېرو ٢٤ ساعتونو کې ۵۵ کسان له کرونا ناروغۍ بېرته روغ شوي چې له دې سره په هېواد کې له کرونا ناروغۍ د بېرته روغ شوو کسانو شمېر ۵۸۱۲۵ ته ورسېد.
د عامې روغتيا وزارت خبرپاڼې له مخې، په تېرو ٢٤ ساعتونو کې د کرونا ويروس له امله ۳۶ کسان مړه شوي چې په دې سره له دې ناروغۍ د ټولو مړه شوو کسانو شمېر ۳۱۰۴ ته ورسېد.
د يادونې ده، تر اوسه په ټوله نړۍ کې څه باندې ١٧٣ ميليون کسان په کرونا اخته شوي چې له دې شمېر څخه ١٤٥١ ميليونه يې بېرته روغ شوي، خو څه باندې ٦،٣ ميليونه نور يې له امله مړه شوي دي.
