کابل (پژواک، ۱۸ تله ۱۴۰۰): د افغانستان ملي المپیک اداره وايي، د کابل اتو زونونو ترمنځ د سوک وهنې لوبې په داسې حال کې پیل شوې چې د سوک وهنې فدراسيون هیڅ غړی له هېواده نه دی وتلی.
دغه څرګندونې د ملي المپیک کمېټې مشر نظرمحمد مطمئن پر خپلې ټوېټرپاڼې لیکلي دي.
دی وایي:”ښه خبره داده چې د بکسنګ فدراسيون هیڅ قهرمان او کوم غړی له هېواده نه دی وتلی.”
هغه دغه راز زیاته کړې چې کابل کې د سوک وهوونکو د ۸ زونو ترمنځ تېره ورځ سیالۍ پیل شوې.
د مطمئن د معلوماتو له مخې، د افغانستان د سوک وهنې فدراسيون ټول ۲۵ غړي لري.
دا په داسې حال کې ده چې شاوخوا دوه میاشتې وړاندې طالبانو کابل ونیو او د راپورونو له مخې، تر هغه وروسته شاوخوا ۱۵۰ زره تنه له افغانستانه وتلي، چې یو شمېر ژورنالېستان، هنرمندان، د موسقي ملي انستیتیوت زده کوونکي او استادان، د افغانستان روباټیک ډلې غړې او نور په کې شامل دي.
Visits: 92
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن