غزني (پژواک ۴ لړم ۱۴۰۰): د غزني مسوولين وايي چې د دې ولايت په جاغوري ولسوالۍ کې پنځه جسدونه موندل شوي دي.
د عامي روغتیا رییس مولوي محمد حنیف مصباح وایي، جسدونه پیدا شوي خو تراوسه دا لا نه ده معلومه چې دا کسان څوک دي او د چا له خوا وژل شوي دي.
دی وايي: ((دغو سیمو کې پخوا هم ورته پېښې شوي یا هم د شخصي ستونزو له امله یا هم د غلو له امله، خو د دې پېښې تراوسه معلومات نشته.))
ده زياته کړه، طالبانو دغه کسان نه دي وژلي، خو وايي چې د قضیې د روښانولو لپاره د دوی پلټنې پيل شوي دي.
د سیمې یو اوسېدونکی محمد علي وایي چې وژل شوي کسان له پېژندګلوۍ وتلي دي.
د هغه په خبره، جسدونه اوس مهال د جاغوري ولسوالۍ روغتیایي مرکز ته انتقال شوي دي.
د نوي نظام له ټينګښت راپدېخوا دا لومړۍ پېښه ده چې په يو ځايي بڼه پنځه جسدونه موندل کېږي.
Visits: 2818
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن