کابل (پژواک، ۱۷ کب ١٤٠٠): عامې روغتیا وزارت وايي چې په تېرو ۲۴ ساعتونو کې افغانستان کې ۲۰۵ کسان په کرونا اخته او ۹۸ نور بېرته ترې ښه شوي دي.
د عامې روغتیا وزارت ویاند جاوېد هژیر پژواک خبري اژانس ته وویل چې په تېره یوه شپه او ورځ کې د ۱۰۲۴ کسانو د کرونا ټسټونه اخیستل شوي چې له ډلې یې د ۲۰۵ کسانو پایلې مثبتې وې.
هغه زیاته کړه چې یاد کسان په ۱۵ ولایتونو کې په کرونا اخته شوي دي.
نوموړی په دې اړه چې په کومو ولایتونو کې څومره کسان په کووېډ-۱۹ اخته شوي، معلومات ورنه کړل.
هغه وایي چې په تېرو ۲۴ ساعتونو کې ۹۸ کسان له کرونا ناروغۍ بېرته ښه شوي دي.
نوموړي څرګنده کړه چې په تېرو ۲۴ ساعتونو په کرونا ۴ اخته کسان مړه شوي دي.
د هژیر په وینا، تر دې مه په هېواد کې د کرونا ۱۷۵ زره او ۳۵۳ مثبتې پښې ثبت شوې چې له دې ډلې ۱۵۷ زره او ۸۶۷ کسان بېرته رغېدلي او ۷۶۳۰ نور یې له امله مړه شوي دي.
غړيYou need to subscribe to view the full article. Please login or register a new account.
