پلخمري (پژواک، ۱۳ غویی ۱۴۰۱) : حکومتي مسوولین وایي د بغلان ولایت پر یوه غرنۍ سیمه د تندر پرېوتو په پېښه کې یو شپونکی مړ شوی دی.
بغلان ولایت د اطلاعات او فرهنګ ریس مولوي مصطفی هاشمي د غوایی په ۱۴ مه پژواک اژانس ته وویل نن له غرمې وروسته د بغلان ولایت بکلاو په نوم سیمه کې د مېږو پر پنډغالي تندر پرېوتی چې له امله یې یو شپونکی مړی شوی دی.
هاشمي وایي د پېښې له ځایه یې نږدې لیدنه وکړه تندر د پنډغالي پر هغه ځای چې شپونکی په کې ناست وو را پریوتی چې له امله یې خپله شپونکی او درې مېږي مړې شوي.
د یادونې ده تېره شپه هم په دغه ولایت کې د وروستیو اورښتو له امله په راوتو سېلابونو کې څلور شپانه او شاوخوا شل څاروي مړه شوي وو.
Visits: 141
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن