ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

نامعلومو وسله‌والو په شمالي وزیرستان کې دوه دیني عالمان وژلي

نامعلومو وسله‌والو په شمالي وزیرستان کې دوه دیني عالمان وژلي

author avatar
16 Jul 2022 - 00:32
نامعلومو وسله‌والو په شمالي وزیرستان کې دوه دیني عالمان وژلي
author avatar
16 Jul 2022 - 00:32

کابل (پژواک، ۲۴ چنګاښ ۱۴۰۱): نامعلومو وسله‌والو په شمالي وزیرستان کې د مولانا فضل‌الرحمن په مشرۍ د جمعیت علماء اسلام مذهبي ګوند اړوند دوه دیني عالمان وژلي دي.

د ډیوه راډیو د راپور له مخې، دا پېښه پرون د شمالي وزیرستان د میرعلي – خیسور پر لاره رامنځته شوې ده.

ځایي سرچینو ویلي، د نامعلومو وسله‌والو په ډزو کې د جمعیت علماء اسلام ګوند ځایي غړي هر یو قاري سمیع‌الدین او او مولانا نعمان وژل شوي دي.

ویل کېږي چې قاري سمیع په دې وروستیو کې د جوړې شوې امن کمیټې مشر هم ټاکل شوی و.

د میرعلي د پولیسو مشر ویلي چې د پېښې په اړه یې پلټنې پیل کړې دي.

د جمعیت علما اسلام ف ګوند د شمالي وزيرستان ویاند احمدالدين داوړ وايي، دغه دواړه مشران پرون حېدرخېل کلي ته ورغلي وو او په وروستيو کې په سیمه کې د څلورو وژل شوو کسانو د وژنې په اړه د غونډې جوړولو تیاری يې کاوه چې بېرته راتلل نو په لاره کې وژل شوي دي.

تر اوسه د دغه برید مسوولیت چا پر غاړه نه دی اخیستی.

په وزیرستان کې هدفي وژنې په داسې حال کې ډېرې شوې دي چې د پاکستان د حکومت او تحریک طالبان پاکستان ترمنځ تر نامعلومې مودې پورې اوربند شوی دی.

Visits: 274

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.