جلالاباد (پژواک، ۵ زمری ۱۴۰۱): د افغانستان لپاره د سويډن کمېټې له لوري د ننګرهار په اچین ولسوالۍ کې د ۸۰۰ زره افغانیو په لګښت د يوه کاریز د ترمیم او د دوو استنادي دیوالونو د جوړولو چارې پيل شوې.
چارواکي وايي، دغه رغنيزې چارې به يوه مياشت کې ترسره شي او ۵۰۰ کورنيو ته به يې ګټه ورسېږي.
د افغانستان لپاره د سويډن کمېټې د جلالاباد سيمهييز دفتر مطبوعاتو څانګې د زمري په ۵مه پژواک اژانس ته په راستول شوې خبرپاڼه کې ليکلي چې د ننګرهار ولايت په اچين ولسوالۍ کې يې د ۸۰۰زره افغانيو په لګښت د درېيو ټولګټو پروژو کارونه پيل کړل.
د خبرپاڼې د معلوماتو له مخې، په دغو پروژو کې د يادې ولسوالۍ د اشخېلو د کانال بيارغونه او همدغه سيمه کې د دوو استنادي ديوالونو جوړول شامل دي.
خبرپاڼه ليکي چې دغه رغنيز کارونه به يوه مياشت وخت ونيسي او لږ تر لږه ۵۰۰ کورنيو ته به يې په مستقيم ډول ګټه ورسېږي.
بلخوا، د سيمې اوسېدونکي د يادو پروژو پلې کېدو ته خوښ دي.
د سيمې يوه قومي مشر حاجي الف خان پژواک ته وويل، ډېر خوښ دی چې د دغو مهمو پروژو کارونه پيل شول او په دغه برخه کې يې د سويډن له کمېټې هم مننه وکړه.
هغه وويل، د اشخېلو کاريز - چې د سيمې ګڼې کورنۍ ترې د څښاک، ورځني ژوند د اړتيا پوره کولو او د کروندو د اوبهخور په برخه کې ترې ګټه اخلي - په دې وروستيو کې زيانمن شوی و او خلکو ته يې په پوره توګه اوبه نه رسولې او ترميم سره به يې دغه ستونزه حل شي.
د افغانستان لپاره د سويډن کمېټې تر دې وړاندې هم د ننګرهار په مختلفو ولسواليو کې د بيارغونې، پوهنې او معلوليت لرونکو وګړو سره د مرستې په برخو کې ګڼې پروژې عملي کړې دي.
غړيYou need to subscribe to view the full article. Please login or register a new account.
