ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ایرلینډ له افغانستان څخه د کرکټ دویمه شل اووریزه لوبه هم وګټله

ایرلینډ له افغانستان څخه د کرکټ دویمه شل اووریزه لوبه هم وګټله

author avatar
11 Aug 2022 - 23:44
ایرلینډ له افغانستان څخه د کرکټ دویمه شل اووریزه لوبه هم وګټله
author avatar
11 Aug 2022 - 23:44

کابل (پژواک، ۲۰ زمری ۱۴۰۱) : ایرلینډ د کرکټ په دویمه شل اووریزه نړیواله لوبه کې هم افغانستان ته ماتې ورکړه.

دا لوبه چې تېر ماښام د ایرلینډ په بیلفاسټ ښار کې ترسره شوه، پچه یې افغانستان وګټله او لومړی یې د توپوهنې پریکړې وکړه.

د افغانستان ملي لوبډلې لوبغاړو سمه لوبه ونه شو کړای او په ټاکل شویو ۲۰ اورونو کې د اتو لوبغاړو په سوځېدلو یې ۱۲۲ منډې جوړې کړې او ایرلینډ ته یې د ۱۲۳ منډو هدف ورکړ.

د ملي لوبډلې له لوري حشمت الله شهیدي تر ټولو زیاتې ۳۶ منډې جوړې کړې، ابراهیم ځدراڼ ۱۷، عظمت عمرزي ۱۱ او نوین الحق ۱۰ د پام وړ منډې جوړې کړې.

د ایرلینډ لوبدلې یاد هدف په نولسم  اوور کې د پنځو لوبغاړو په سوځیدو ترلاسه او لوبه یې وګټله، د افغانستان له لوري په توپ اچونه کې محمد نبي ۲، نوین الحق، فضل فاروقي او مجیب ځدراڼ یو یو لوبغاړی وسوځول.

د دواړو هېوادونو د پنځو لوبو د لړۍ لومړۍ لوبه هم ایرلینډ ګټلې وه.

Visits: 34

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.