جلالاباد (پژواک، ۱۳ وږی ۱۴۰۱): په افغانستان کې د ايران سفارت مرستيال ننګرهار ته د سفر پر مهال ژمنه کړې چې په دغه ولایت کې د «شکرې» ناروغۍ درملنې معياري روغتون جوړوي.
چارواکي وايي، د ايران سفارت مرستيال سيد حسن مرتضوي او په ننګرهار کې د ايران کونسل مجيد صادقي نن د دغه ولایت د عامې روغتيا له رييس ډاکټر اميرمحمد افتاب سره په ليدنه کې دا ژمنه کړې ده.
د ننګرهار د عامې روغتيا رياست وياند نقيبالله رحيمي د وږي په ۱۳مه پژواک اژانس ته وويل، د شکرې ناروغۍ درملنې د دغه روغتون لپاره ودانۍ د دوی له خوا ځانګړې کېږي خو نورې چارې لکه د پرسونل نیول، روزل، درمل، مالي امکانات او د وسايلو برابرول به د ایران پر غاړه وي.
هغه زیاته کړه، ایراني پلاوي د دغه ولایت د روغتیا ریاست له چارواکو سره په دې اړه له جوړې شوې ناستې وروسته د دغه روغتون لپاره ځانګړې شوې ودانۍ هم له نږدې ولیده او زیاته یې کړه چې د روغتون فعالولو عملي چارې ژر پیلوي.
د ايران سفارت مرستيال مرتضوي وویل، د دغه کلینیک لپاره هر ډول امکانات برابروي، پرسونل به یې یاد هېواد ته د روزنې لپاره لېږي او د کلینیک لپاره به د اړتیا وړ ټول امکانات، وسایل او تجهیزات برابروي.
له دې وړاندې هم د ايراني چارواکو له لوري دا ژمنه شوې وه خو عملي کارونه یې لا نه دي پيل شوي.
هغه مهال چارواکو ويلي وو، پر دې کار کوي چې کومې برخې ته ځانګړی روغتيايي مرکز جوړ کړي.
غړيYou need to subscribe to view the full article. Please login or register a new account.
