جلال اباد (پژواک، ۱۳ تله ۱۴۰۱): د ننګرهار مرکز جلال اباد ښار کې د ښاروالۍ له خوا د ۷،۳ ميليون افغانيو په لګښت يو فرعي سړک ورغول شو.
دغه سړک چې د جلال اباد ښار د اوومې ناحيې اړوند بالاده سيمه کې رغول شوی، نن د تلې په ۱۳مه پرانيستل شو.
د جلال اباد ښاروالۍ د تخنیکي او سکتوري چارو رئيس انجنیر دوست محمد چهاردیوال وويل، یاد سړک یو کیلومتر اوږدوالی او ۵،۵ متره سور لري، یو کیلومتر ویاله او ۹ اساسې پولګوټي هم لري.
د نوموړي د معلوماتو له مخې، د دغه سړک پر جوړېدو ۷،۳ میلونه افغانۍ لګښت راغلی چې د درېيو میاشتو په موده کې یې چارې بشپړې شوې.
د دغو مراسمو پرمهال د ښاروالۍ مرستیال مولوي مومن حميد له خلکو مننه وکړه چې د پروژې څارنه يې په ښه ډول کړې او له ناحیې سره په چارو کې همکاري کوي.
نوموړي ژمنه وکړه چې دا او دې ته ورته نورې د بیارغونې پروژې په پام کې لري او ژر به یې ولسونه د کار د پيل شاهدان اوسي.
د سيمې خلک خوښ دي چې سړک يې په اساسي ډول ورغول شو.
غړيYou need to subscribe to view the full article. Please login or register a new account.
