مزارشریف (پژواک، ۴ لړم ۱۴۰۱): د بلخ د مرکز مزارشریف ښار د مولانا جلالالدین محمد بلخي نړۍوال هوایي ډګر کې د ازبکستان هېواد په مرسته د ٢٠ کیلوواټ برېښنا په ظرفیت سبسټېشن پرانیستل شو.
یاده پروژه د هېواد د بهرنیو چارو وزارت سياسي مرستيال شېرمحمد عباس ستانکزي، د ازبکستان هېواد د ولسمشر ځانګړي استازي عصمت الله ایرگش اوف او د هوايي چلند او ترانسپورټ وزارت سرپرست وزیر حمیدالله اخندزاده له لوري پرانيستل شو.
په دغو مراسمو کې د هېواد د بهرنیو چارو وزارت سیاسي مرستيال شېرمحمد عباس ستانکزي له ګاونډیو هېوادونو سره پر ښو سیاسي او اقتصادي اړیکو ټینګار وکړ ویې ویل چې حکومت جدي هلې ځلې کوي څو د ګاونډیو او نورو هېوادونو لپاره افغانستان کې دننه د پانګونې زمینه برابره کړي.
هغه له ګاونډیو او د نړۍ له نورو هېوادونو وغوښتل چې د پانګونې له لارې د افغانستان د پرمختګ او بيا ودانولو برخو کې همکاري وکړي.
ستانکزي څرګنده کړه، افغانان وروسته له ٢٠ کلونو وتوانېدل خپل هېواد له بهرني يرغله وژغوري.
په همدې حال کې د ازبکستان هېواد د ولسمشر ځانګړي استازي عصمتالله ایرګش اوف د افغانستان او ازبکستان هېوادونو ملګرتیا اوږدمهاله ياده کړه او ويې ویل چې هېواد یې په تېر يو کال کې د افغانستان په بېلابېلو برخو کې مرستې کړې دي.
هغه د مزارشریف مولانا جلالالدین محمد بلخي هوايي ډګر د برېښنا پروژې پرانیستل د دواړو هېوادونو ترمنځ د ښې ملګرتیا نښه ياده کړه.
دغه راز د هوايي چلند او ترانسپورټ وزیر ملا حمیدالله اخندزاده وویل چې ازبکستان د مزارشریف نړۍوال هوايي ډګر کارکوونکو د روزنې، د تخنیکي چارو په سمبالښت او دا مهال یې د ٢٠ کیلوواټ برېښنا سبسټیشن پر جوړولو سربېره له افغانستان سره بېلابېلې نورې مرستې هم کړې دي.
اخندزاده دغه راز په هېواد کې د هوايي چارو په برخه کې هېوادوالو ته د معیاري خدمتونو وړاندې کولو ډاډ ورکړ.
غړيYou need to subscribe to view the full article. Please login or register a new account.
